Vinnige Feite oor Laerskool Koedoeskop

Gestig: 1931 as Doornfontein Skool
Huidige naam: Laerskool Koedoeskop sedert 1965
Aantal leerders: ±250
Geleë: Plaas Doornfontein, Koedoeskop, Limpopo
Onderrigmedium: Afrikaans
Grade: Graad RR – 7
Skoolterrein: Ruim, boomryke terrein met sport- en speelgeriewe
Waarde-gedrewe: Dissipline, respek, geloof en gemeenskap

Wat Ons Bied:

'n Skool waar elke kind belangrik is!

In die hart van die bosveld, aan die oewer van die rustige Krokodilrivier en tussen groen spilpuntlande, lê ’n klein Afrikaanse plaasskool met ’n groot hart – Laerskool Koedoeskop. Ons is al 111 jaar lank ’n veilige hawe vir kaalvoetkinders wat lag, leer en leef met vryheid en vreugde.

Hier is ons klein genoeg dat elke kind gesien en geken word, maar groot genoeg om wye vlerke te gee – of dit nou op die sportveld, die verhoog of in die klaskamer is. Ons glo dat elke kind unieke potensiaal het, en ons bied eindelose moontlikhede om daardie potensiaal te ontwikkel.

Met generasies se kinders wat reeds hul skoolloopbaan hier begin het, is Laerskool Koedoeskop ’n plek van trots, tradisie en tydlose waardes. Kinders kom daagliks met busse van heinde en verre om deel te word van ons spesiale skoolfamilie – ’n plek waar jy met ’n handdruk gegroet word, en met ’n drukkie gegroet word.

Hier word daar met liefde, passie en ’n diep menswees onderrig, en saam skep ons ’n wêreld waar kinders nie net leer nie, maar floreer.

Laerskool Koedoeskop – Waar elke dag ’n avontuur is, en elke kind belangrik is.

Hoe om In te Skryf:

Laerskool Koedoeskop verwelkom alle aansoeke van Graad RR tot Graad 7. Ons streef daarna om die aansoekproses so eenvoudig en toeganklik moontlik te maak.

Stap 1: Versamel Vereiste Dokumente

Jy sal die volgende dokumente nodig hê:

• Afskrif van kind se geboortesertifikaat

• Afskrif van kliniekkaart

• ID grootte foto van leerder

• Afskrif van ouer/voog se ID

• Oordragbrief en laaste rapport (indien van ander skool)

• Bewys van adres

Stap 2: Verkry en Voltooi Aansoekvorm

Jy kan die aansoekvorms en dokumente op een van die volgende maniere verkry:

• Versoek per e-pos:

  admin@koedoeskop.com - vir inskrywings

  lskoedoeskop@lantic.net - vir finansies

• Kom haal af by die skoolkantoor:

  Maandae tot Donderdae van 07:15 - 14:00

  Vrydae van 07:15 - 13:00

Stap 3: Dien die Aansoek In

Jy kan die aansoekvorms en dokumente per e-pos indien of by die skoolkantoor kom aflaai.

Stap 4: Onderhoud of Oriëntering (indien van toepassing)

Indien nodig sal 'n afspraak met die hoof gemaak word om toelating te bespreek.

Stap 5: Bevestiging en Inskrywingsfooie

Sodra die aansoek goedgekeur is, sal jy ’n bevestiging ontvang en verdere besonderhede oor:

• Skoolfooie en betalingsopsies

• Skooldrag en boeke

• Belangrike datums

'n Bietjie meer oor Laerskool Koedoeskop

Ons Geskiedenis

Die skool het ontstaan uit die oorspronklike Doornfontein-skool, met onderrig wat reeds voor 1931 plaasgevind het onder ‘n boom langs die rivier.
In 1931 is die skool amptelik geopen met net 37 leerders. Die gemeenskap het sedertdien ‘n onmisbare rol gespeel in die groei van die skool  van kerk- en plaasgemeenskappe, tot boereverenigings en plaaslike besighede. In 1965 het die skool die naam Laerskool Koedoeskop amptelik aanvaar.

Ons grootste droom op die oomblik is die oprigting van ‘n moderne multimedia-biblioteek, ‘n ruimte waar kinders toegang het tot boeke, rekenaars, opvoedkundige sagteware, stil leerhoeke, en selfs terapeutiese ondersteuning. Die projek beoog om gelyke toegang tot leer te bied, ongeag die kind se agtergrond. Die biblioteek sal ook ruimte skep vir groepwerk, kreatiewe uitdrukking en selfstandige studie.

Wil jy help bou aan hierdie droom?

Besoek ons ondersteuningsbladsy vir meer inligting oor hoe jy kan bydrae, alternatiewelik, reik gerus uit na Sonica Bothma – 071 897 6781

Biblioteekprojek: Bou aan die Toekoms

Laerskool Koedoeskop, geleë op die plaas Doornfontein in die hartjie van die Bosveld, Limpopo, is veel meer as net ‘n skool — dit is ‘n trotse gemeenskapsinstelling wat al vir meer as 90 jaar ‘n veilige, liefdevolle en doelgerigte leeromgewing bied vir kinders tussen 3 en 13 jaar.

‘n Skool in Die Hart van die Gemeenskap

Laerskool Koedoeskop is nou verweef met die Koedoeskop-gemeenskap. Ouers, boere, onderwysers en vrywilligers werk hand aan hand om ‘n omgeekultuur te bevorder. Ons glo dat ’n kind nie net deur ‘n skool nie, maar deur ‘n hele gemeenskap grootgemaak word.

Akademie en Holistiese Ontwikkeling

By Laerskool Koedoeskop glo ons in gebalanseerde opvoeding. Ons bied ‘n volledige kurrikulum aan wat fokus op geletterdheid, wiskunde, wetenskap en lewensvaardighede met spesiale ondersteuning vir leerders. Ons onderwysers is passievol, ervare, en toegewyd aan elke leerder se unieke ontwikkeling.

Ons bied ook:

Waardes en Leuse

Ons leuse, "Wees Gereed, Wees Getrou", is die grondslag van alles wat ons doen. Dit beteken dat ons kinders leer om verantwoordelik, eerlik, toegewyd en volhardend te wees in hul skoolwerk, hul verhoudings, en hul karakter. Hierdie waardes word nie net onderrig nie, maar geleef deur ons personeel en leerders. Ons skool staan ook bekend as die skool van drukkies en liefde.

• Kleuterklasse vir 3–5 jariges

• Grondslagfase (Gr. R – 3) en Intermediêre Fase (Gr. 4 – 7)

• Kultuur- en sportaktiwiteite

• Christelike waardes in die daaglikse roetine

• Remediërende ondersteuning waar nodig

KOOP JOU ADVERTENSIE SPASIE!

Kontak Gussie op 082 665 8002 om jou spasie te boek!